Danny a firma un ekstenshon di 50 mion dòler ku Red Sox kual lo bira ofisial despues di un tèst físiko.

BOSTON – Un dia promé ku nan habri temporada na kas, ekipo di Red Sox a yega na un akuerdo di ocho aña i 50 mion dòler den un kontrakt di ekstenshon ku ta Ceddanne Rafaela ku ta mantené e senterfielder rookie di Boston te ku 2031, asina un fuente yega na e negosiashonnan asina Mark Feinsand di MLB.com.

Red Sox no a konfirmá e dil, kual ta pending pa kompletá despues di un tèst físiko.

Unabes ofisial, e ekstenshon ku Rafaela, lo ta stunt defensivo den senterfield i un ofensivo den progreso, ta bira un momentu importante pa e ekipo ku ta tratando pa firma su hungadónan hóben ku tèrminonan largu via di ekstenshon. Den luna di mart, Red Sox a firma e picher habridó  Brayan Bello ku un kontrakt di seis aña i 55 mion dòler ku un opshon pa shete anan ku lo tene e piesa prinsipal dim e rotashon na Boston te ku 2030.

Ora ku sprentrenen a kuminsá, e mènedjer di Red Sox, Alex Cora a reta Danny pa gana e puesto komo titular den senterfield na lugá di ku e ta bai bek Triple-A pa haña mas eksperensia.

Rafaela, oriundo di Kòrsou, tabatin éksito den e mishon aki. E bateado derecho a kuminsá ocho di e 10 weganan ku e ekipo di Red Sox a hunga komo bishitante den divishon West di Liga Amerikana, bateando .233 ku dos tripel, sin  homerun i sinku kareda empuhá.

Rafaela, di 23 aña, ya a realisá vários hungada destaká den defensa, inkluso unu ku a skapa Red Sox den bòm di 11 inen den e viktoria di 5 pa 4 riba e ekipo di Oakland Athletics dia 2 di aprel.

“E kos ei tabata inkreibel”, asina e relevista di Red Sox Josh Winckowski, e benefisiario di e hungada a bisa. “Opviamente, el a sala e wega 100% u tabata un lokura”.Ku su kontrakt nobo ku pronto lo bira ofisial, Rafaela lo mester bai tin hopi hungada di lokura mas den su futuro.