MIAMI — Avansando su dedikashon pa mantené stándarnan ambiental fuerte i promové su kompromiso pa finansiá infrastruktura sostenibel i proyektonan amikabel CIBC FirstCaribbean, a sirbi komo ko-patrosinado  di un di e konferenshanan.

Ta trata di un konferensha kritiko den e region ku ta enfoká riba desaroyo adishonal di infrastruktura bèrdè i sostenibel .Durante su presensia na di séptimo Foro di Infrastruktura den Karibe, organisá pa New Energy Events, Gillian Charles-Gollop a hiba palabra. Gollop ta Direktor Ehekutivo di Banko CIBC FirstCaribbean pe sektor di Banko Komersial i Finansiamentu Sostenibel. E la bisa ku e banko ta mantené su kompromiso pa fasilitá i finansiá proyektonan sostenibel den infrastruktura ku ta resistente pa kambio di klima i lo ta benefisioso pa e region.

“Nos tabata un di e promé bankonan regional ku realmente a finansia energia renobabel,” Charles-Gollop a bisa. “Nos a kuminsá ku e parke di bientu di 30 megawatt na Kòrsou, ku despues a desaroyá ainda mas. Nos a hasi energia renobabel na Hamaika i Islanan Cayman. Asina, semper tabata un kompromiso pa nos, en tèrmino di investí den e region di un manera positivo. Loke nos ta hasi awor ta den liña ku algun di e kosnan ku nos tabata hasi pa e último 30 aña,” el a bisa. CIBC FirstCaribbean a keda na vanguardia di finansiá proyektonan sostenibel i energia renobabel, invertiendo den transakshonnan ku ta sumá na mas ku $150 mion den proyektonan di bientu i solo na henter e region, segun e Rapòrt Anual di e kompania pa 2022.

A traves di su finansiamentu Blue loan, e banko a yuda na$146 mion den finansiamentu ku $73 mion den fondo komprometí pa Gobièrnu di Barbados relashoná ku Konservashon Marítimo. Segun Charles-Gollop, gobièrnunan ta forma e parti mas grandi di aplikantenan pa finansiamentu Blue, manteniendo nan kompromiso global i metanan ambiental di nan paisnan.