Un salú na momentu di entrega di e outo.

WILLEMSTAD—Komo un di e spònsernan ofisial di WK Futbòl, Coca-Cola a organisá un kampaña pa su konsumidónan. Riba e tapa di oro di tur produkto produsí lokal (Coca-Cola, Coca-Cola No Sugar, Sprite, Coco Rico, FRIA i Criollita), a pone un imágen di un futbòl.

Por a kambia e tapanan aki pa diferente produkto i premio. Esaki den kolaborashon ku nos partnernan: Select Automotive (Volkswagen Curaçao), Adidas i Sambil. Dor di yena lòt, kual tabata grátis òf por a wòrdu kambiá. Na entrega di 5 tapa di oro, konsumidónan na Kòrsou i Boneiru por a partisipá pa gana e premio mayó.

E kampaña a klousurá ku entrega di e premio mayó, ku tabata un Volkswagen Saveiro 2023, kual a wòrdu hasí disponibel pa Select Automotive (Volkswagen Curaçao). E felis ganadó a wòrdu skohé, dia 30 di desèmber último.

Durante di e entrega ofisial, den presensia di invitadónan riba dia 4 di yanüari último, Coca-Cola i Select Automotive (Volkswagen Curaçao) a hasi entrega di e Volkswagen Saveiro 2023 na e respektivo ganadó, kende ta señora Dayanara Meulens. Entrega di e premio a tuma lugá na Select Automotive, na Seru Loraweg.