WILLEMSTAD — Cpost International N.V. ta kontentu di por presentá un seri nobo di stampia dediká na e selebrashon di e Aña Nobo Chines 2023, kual ta e aña di konènchi. Cpost ke honra e komunidat chines ku ta biba na Kòrsou i alabes konektá ku i selebrá e tradishonnan i kultura riku Chines.

E seri di stampia aki, diseñá pa Marcel van Duijneveldt ta konsistí di diseñonan di konènchi ku den e kultura Chines ta símbolo di bida largu, pas i prosperidat. E seri aki ta un manera perfekto pa spardónan di stampia marka e okashon aki i selebrá e komienso di e aña lunar nobo.

E seri di stampia aki ta konsistí di konènchinan: Cat 1, Cat.2, 72c, 346c, 496c, 774c i ta optenibel na tur filial di Cpost International N.V.

Kolekshoná e serie di stampia aki

No pèrdè e oportunidat pa kolekshoná e stampianan aki!

Tur kolekshonista di stampia i interesadonan por bishitá nos tienda di stampia online na

www.cpostinternational.com i por probechá mesora di e oportunidat pa kumpra e seri aki si nan ta deseá pa hasi esaki.