Ku uzo di e Kiosk e kliente ta keda kla den 5 minüt den e proseso di pago number di outo.

Willemstad, — Djabièrnè 16 di febrüari Cpost Groot Kwartier a inougurá pago di number di outo via self-service kiosko.

CEO di Cpost Jervhes Josephia a kompartí ku e desishon aki a kondusí na un fluho hopi haltu na Cpost su lokètnan mèrdia. E kliente tabata reklamá e tempu di espera pa por paga motorrijtuigenbelasting (mrb). Cpost atraves di aña a bin ta transformá su mes di servisio tradishonal pa aplikashon di teknologia inovativo pa alsa servisio na kliente. E pago via kiosko ta brinda kliente ku e posibildiat paga mrb dor di simplemente hinka su number di outo den e kiosko. E sistema lo verifiká e number di outo, kùr i seguro di outo .

Jervhes Josephia a kontinuá i menshoná ku e kliente por skohe pa paga su mrb pa mitar di aña òf e aña kompletu via swipe mashin di e kiosko. E karchi hel pa aña 2024 ta wòrdu imprimí i otorgá huntu ku e sticker na e kliente despues di verifikashon di personal. E proseso aki ta dura 5 minüt. Mester tene na kuenta si ku kliente ta sumistrá tur dato korekto na e kiosko. Uniko kondishon ta ku mrb 2023 mester ta paga si i tambe kùr i seguro mester ta aktualisá den e sistema pa hasi uzo di e kiosko. E CEO a bisa tambe pronto kiosko lo ta disponibel na Punda.

Minister di transporte Charles Cooper a hiba palabra den kual e a bisa bou di lei di mrb ku ta kai bou di minister finansa pero lástimamente e no por tabata tei presente. Minister di transporte a kompartí ku lokual e ta bisa ku teknologia mester wòrdu sigui apliká pa asina hasi siudadano su bida mas fásil. Pagamentu via di kiosko aki na Kartier i pronto na Punda ta un adelnato grandi pa pueblo i tambe Cpos, minister ta bisa.

Alfonso Trona direktor di Ontvanger a menshoná ku na 2021 desishonnan a kai ya ku kartanan di Ontvanger mester a sera pero a ekspandé tambe ku otro instanshanan pa kobransa. Cpost ku Ontvanger tin bon relashon ku otro i lo sigui pensa konhunto riba produktonan inovativo pa futuro, Trona ta menshoná. Trona ta bisa ku e ta kere ku komo Ontvanger si duna bon servisio, ta kobra impuesto mas fásil. Pues mester duna servisio pa asina haña bek, Trona ta bisa.