EMMEN—Den un insidente den un instituto hubenil Yorneo na Emmen un trahadó a bin pèrdè su bida djasabra anochi.

E dama (26) a fayesé na e sitio di su heridanan. E insidente a tuma lugá djasabra anochi 20.30. Diferente servisio di emergensia a yega na e sitio pero no por a skapa e víktima. Un team di aresto tambe a yega na e sitio i polis a logra detené un persona den sentro di Emmen. Un segundo sospechoso a hui, pero mas lat anochi el a keda detené. E motibu di e insidente no ta konosí. E sospechosonan tin 16 i 19 aña. alkalde Oosterhout di Emmen a ekspresá su simpatia i kondolensia pa famia di e víktima. Polis ta hasiendo investigashon den e instituto. E habitantenan mester a drumi den otro lokalidat. Den e instituto hubenil ta biba hobennan entre 12 pa 18 aña.