Willemstad,– Djamars den oranan di mardugá un kandela a surgi kaminda un kas a keda kompletamente distruí. Pa sorpresa, doñonan di e kas ta bin tende ku ta plagatox lo tabata e fuente di e kandela kual a distruí un kas.

Den oranan di mardugá riba 2 di mei, brantwer di Barber i Rio Canario mester a move pa direkshon di Sta Cruz despues di a risibí notifikashon ku un kas ta na kandela. Segun informashon, e kandela tabata basta grandi kaminda e kas lamentablemente a keda kompletamente distruí. Aktualmente habitantenan di e kas ta wardando rapòrt di brantwer pa asina ta mihó informá tokante unda e kandela a surgi. Segun e dama, medionan lokal ta indikando ku ta un plagatox sendé lo a kousa e kandela, pero e habitante ta desmentí e deklarashon dje plagatox.

E dama a sigui splika ku e kas ta di su yu i e yu no sa drumi ku plagatox den kas, pues esaki no por tabata un fuente di e kandela. Segun e dama, e kandela a surgi na entrada di kas.