RIO CANARIO- Magiella Mathild ta sigui “spoorloos”. Polis despues di a emití un nota di búskeda, ainda no a risibi informashon konkreto riba paradero di e damita.

Esaki en todo kaso te ku inisio di wikènt. Polis ofisialmente a pidi búskeda di e hóben Magiella Mathilda nasé na Hulanda di 16 aña di edat. For di djadumingu 16 di yüli 2023, e  hóben aki ku ta biba na JJIC na Kaya Brudernan di Dongen, tabata ku vakashon den area di Koraal Specht, ta ku den fin di siman pasá.  Den e fin di siman ei e hóben a bandoná kas i no a regresá. Magiella tin e siguiente deskripshon: Haltura: 1.66 m; Postura: delegá; Kara: oval; Kabei: krul maron; Koló di kueru : maron; Koló di wowo: maron skur. E hóben aki tin un tatuahe di barbulete grandi na su pia drechi. Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.

Alabes polis ke rekordá ku tene un persona ku ta wòrdu buská pa outoridatnan skondí, ta un akto kastigabel pa lei. Esaki por nifiká si polis risibi informashon di su paradero i deklarashonnan kondusí na intenshon di partisipá na su desaparishon, por kondusí na un persekushon penal.