WILLEMSTAD, — Konseho Sosio-Ekonómiko (SER) di Kòrsou i Banko Sentral di Kòrsou i Sint Maarten (CBCS), a reuní pa asina por interkambiá perspektiva riba tópikonan  sosio-ekonómiko i makroekonómiko.  

Konseho Sosio-Ekonómiko (SER) di Kòrsou i Banko Sentral di Kòrsou i Sint Maarten (CBCS) a bini konhunto den un reunion dia 5 di òktober pa asina interkambiá puntonan prinsipal ku ta keda butá den agèndanan di investigashon di kada entidat. Lo identifiká e arianan potensial di kolaborashon a base di  puntonan prinsipal pa 2023-2024.

Falta di data konfiabel ta opstakulisá investigashon sosioekonómiko i makroekonómiko pa Kòrsou basta pisá. Esaki tabata e konsenso inkuestionabel ku a yega na un reunion stratégiko entre representantenan tékniko di SER di Kòrsou i CBCS.

Komunikashon ta un aspekto sumamente importante bou di SER ku CBCS pa asina por kontribuí ku informashon nesesario na gobièrnu i parlamento  kual ta uza e informashon aki pa desaroyá maneho  basá riba data. Miéntras ku agènda di investigashon di CBCS ta basá riba sistemanan monetario i finansiero, balansa di pagonan, finansa públiko, kambio di klima, i kresementu inklusivo, enfoke di SER ta diferente i komplementario. SER ta konsentrá riba tópikonan manera bienestar amplio, merkadonan laboral inklusivo, migrashon laboral, futuro di trabou, i sustenibilidat di sistema di seguridat sosial.

E kolaborashon entre  e dos entidat aki ta sumamente importante pa aportá ku data konfiabel na gobièrnu i parlamentu di Kòrsou.