Mesa: Dean Rozier na mesa sintá ku representantenan internashonal promé ku e seremonia ofisial a tuma lugá.

Parera—E komersiante lokal, Dean Rozier tabata presentá den restorant Amazia, na momento e delegashon di PDVSA tabata komiendo ku representantenan di Refineria di Kòrsou, CRU i ministernan den kabinete Pisas II.

Rozier, tabata komo invitado na e almuerso òf aló ménos tabata presentá na  kual okashoná e tabata papiando ku representantenan di e delegashon internashonal ku tabata na Amazia. Rozier, último tempu ta biaha bastante frekuente pa Medio Oriente inkluso Qatar kual pais ta negoshando tambe ku e.o. PDVSA pa suministrashon di produktonan petrolero. Ayera tempran Vigilante a drenta den kontakto ku Rozier pa chek e motibunan di su presensha.

Djamars último, Gobièrnu di Kòrsou i Refineria di Kòrsou a tene un seremonia di fiesta pa anunsiá un akuerdo riba repago di debenan ku PDVSA tabatin na Refineria di Kòrsou mediante entrega di produkto. Ta trata di un ‘Settlement Agreement’, den kua a fiha un akuerdo kaminda ta interkambiá krudo pa e debe habrí ainda na Kòrsou. Segun RdK, ku esaki a marka un momentu signifikante den e proseso ku RdK i PDVSA a enkaminá e último añanan, entre otro den korte di arbitrahe i finalmente riba un manera amikal na mesa di negoshashon.

Promé ku e seremonia di fiesta den e sala prinsipal na Amazia, Rozier tabata sinta na mesa den e restorant ku dos representante internashonal papiando. Na mesun momento ku Rozier tabata den kombersashon e firmamentu inofisial tabata tumando lugá den e restorant. Despues ámbos delegashon di Kòrsou i tambe di Gobièrnu a drenta e sala prinsipal.