Aruba, — Resientemente a tuma nota di un situashon di krísis na Venezuela. Ta trata di un derame di hidrocarburo, Mesora a tuma kontakto ku krísis Management Office Aruba (CMO). Di nan parti a konfirmá ku nan ta monitor e situashon  i ya kaba a informá promé minister di nan pasonan.

Te ku awó, e no ta un peliger pa Aruba. Rene Ridderstaat, Direktor interino di CMO, durante un entrevista eksklusivo a konta ku nan ta den kontakto ku nan partnernan den Caribe y ta sigui e situashon di serka. El a sigui bisa ku e derame hidrocarburo ta bin di e refineria El Palito na Puerto Cabello, Estado Carabobo.

Di parti di krísis Management Office Aruba ta konfirmá ku ta den e  proseso di monitor  ya ku meskos ku otro, tambe a risibí informashon di e posibel derame aki. A informá Meteo pa e parti di monitor e strom pa asina por keda evaluá e situashon pa asina por tin un bista di e rísiko/menasanan ku lo por tin pa Aruba.

Segun e modelonan risibí y informashon for di Meteo Aruba, ta ku e stroming pa e próksimo 48 ora lo keda bai di ost pa west y e lo no ta bini nortwèst kual lo no por tin efekto pa Aruba. Pues, te ku awó e no tin peliger pa Aruba. Miéntras ki aki na Kòrsou e rampenbureau tin bista pa ku e akontesimentu aki. Pero e derame te ainda no ta formando peliger te ku den oranan di atardi.