Adjatay “Tera kòrdami ken mi ta” tin kaya bon dominá.

WILLEMSTAD,– Loke ku ta pasando e aña aki ku e tumba ganadó ku ta un komposishon di Amos Balentin “Tera kòrdami ken mi ta” i areglá pa Derrel “Titi”De Palm i kanta pa Sharrel “Rei Adjatay” Denisia ta algu ku sigur pa bastante aña no a tuma lugá.

Ta asina ku e kantante “Adjatay” a keda korona den mardugá di djasabra,pero semper despues di resultado pa su manisé ya tin un otro tumba ku ano a keda korona ta kue kaya. Pero e aña aki esaki si no ta e kaso,paso kua radio emisora i/òf unda ku bo bira kaminda ku tin músika ta zona bo ta tende e tumba di “Adjtaya” ku ta hiba di titulo “Tera kòrdami ken mi ta”. Tur hende aki na Kòrsou ta biba ku e tumba i tambe nan ta biba ku e kantante,hopi hende ta bisando ku “Adjatay” ta un hóben ku tin hopi rèspèt i ta hopi humilde, i ku e tin un forma apart kon e drenta tur hende ku e topa den su kaminda. Hopi hende ta bisando ku “Adjatay” ta rei di tumba di pueblo i no di temporada di karnaval so.

Ya hopi hende ta bisando ku no tin duda ku tumba popular 2024 ta esun kanta pa rei di tumba 2024 ku ta “Rei Adjatay”. E tumba mas solista e tumba mas pidi i e tumba mas gusta. Pues por bisa ku Kòrsou tin un rei di tumba ku práktikamente a keda aseptá di punta pa punta pa grandi i chikitu den su totalidat.