Otrobanda– Relashoná ku un atrako ku a tuma lugá dia 27 di yüni 2023 den un pakus riba Gomezplein, polis a realisá un detenshon. Kontinuando ku e investigashon, djárason 12 di yüli 2023 alrededor di 05.25’or, e Tim di Aresto a detené e hòmber sospechoso V.H. di 35 aña di edat nase na Kòrsou.
Detenshon di e sospechoso aki a tuma lugá na su kas den Brionweg. Despues di su detenshon a kontinuá ku un entrada hudisial na e mesun adrès, na unda a konfiská artíkulonan ku ta di importansia pa e investigashon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.