ROTTERDAM—Djamars mèrdia polis a detené varios persona den un akshon na Rotterdam.

Tabatin kontrol riba truknan di karga i un vehikulo. Den e akshon tabatin un herido. E akshon a tuma lugá alrededor di 16.00 na Bolnesserkade den Rotterdam. A kontrola diferente vehilo riba parkeo, segun Transport Online. Dos persona a keda detené pa e team di aresto di Duana na un stashon di gasolin na Zoelenlaan. Tambe outoridatnan a konfiská un outo pa mas investigashon.a hiba e truk di karga pa un lokalidat sekreto. OM a konfirmá e informashon. Ta trata di un investigashon di Combiteam Havens, koperashon entre FIOD, reshershi i OM. OM a konfirma detenshon di varios hende. posiblemente ta trata di un investigashon di droga. No ta konosi si a haña droga den e vehikulonan. Den e akshon un ambulans a yega na e sitio. No ta konosi si e herido ta un personal di e team di aresto of un sospechoso.