ROTTERDAM—Djárason duana a interseptá 267 kilo kokaina durante un control di un konteiner di rom prosedente di Trinidad.

E lote di kokaina tabata den karga di rom den 15 tas deportivo, segun Ministerio Públiko. E karga a yega Hulanda riba un barku ku destinashon Rotterdam via Jamaica i Colombia. E konteiner ku rom tabata destiná pa un kompania hulandes. Posiblemente e kompania no ta envolví den e kontrabanda di droga segun Ministerio Públiko.