E vehíkulo aki tabatin bastante daño frontal i probablemente a bin resulta kontra di e edifisio na Daniel.

Daniel: polis ta investigando un aksidente ku a tuma lugá entre tres vehíkulo na altura di Daniel. E aksidente a tuma lugá djabièrnè den oranan di atardi. Pa motibunan te ainda deskonosí, tres vehíkulo a bin dal den otro kual unu a mustra di tabatin sla frontal. Ta sospecha te ainda ku e vehíkulo ku sla fronta, a bin resulta den kura di un kompleho di apartamento na Daniel.

A nota ku e porta di kurá di e kompleho a kai kibra kompletamente los for di e konstrukshon. Tambe parti di e muraya di kurá a bin risibi hopi daño. Tabata polis di Punda ku a kore bin duna asistensha miéntras Servisio di Ambulans a hiba un persona CMC pa tratamentunan leve. E aksidente a laga bastante parti di e vehíkulonan bentá riba kaminda. En total tabatin tres vehíkulo envolví.

Willibrordus: riba kaminda pa Willibrordus, un vehíkulo mester a bòltu sin konsekuensha di herido. Polis mester a dirigí patruya pa investigá despues ku un notifikashon a drenta ku tabatin un outo ku a bòltu riba e kaminda pa yega Willibrordus. Na yegada a resulta ku e hendenan mes a bòltu e vehíkulo bek i no tabatin niun insidente grave miéntras e dañonan material tabata mininal.

Corrieweg—Djabièrnè anochi polis mester a bai Corriweg pa investigá un dalmentu ku tabatin. Na e sitio a bin haña dos vehíkulo bastante kibrá. A konstatá tambe bastante daño materia na unu di e vehíkulonan. Forensys a tuma e datonan nesesario pa sigui ku e investigashon.