Willemstad – Servisio pa Obra Públiko (OW) ta informá ku tin diferente trabou di mantenshon di kaya ku ta kuminsá.

Asfaltá Schottegatweg West for di rotònde Hariri te ku Biesheuvel
E trabounan aki a kuminsá djaluna 4 di mart i lo tin un durashon di 5 siman. Kontratista MNO vervat ta enkargá ku e trabounan, i ta ehekutá esaki den diferente fase.

Asfaltá Kaya Leydi, Poseidonstraat i Socratesstraat
E trabounan aki lo tuma lugá riba 5 di mart di 8or di anochi pa 5or di mainta. Kontratista Aliansa ta na enkargo.

Asfaltá Seru Loraweg for di Misa di Janwe te ku Lyraweg
Trabounan ta inisiá riba djamars 6 di mart i lo tin un durashon 4 anochi. Aki tambe lo traha di 8or di anochi pa 5or di mainta. Kontratista Aliansa ta ehekutá e trabounan aki.

Durante ehekushon di kada trabou, lo tin desviashon di tráfiko. OW ta pidi komunidat pa kore ku koutela i ta gradisí pa e komprenshon.