Minister di Finansas Javier Silvania

Nieuwe Haven—Djabièrnè awor, un desishon den Korte Atministrativo ta kai despues ku un ofisina konsultorio fiskal a entrega un petishon LOB, Lei di Transparensha. E ofisina ku nan petishon na korte kier obligá Gobièrnu di Kòrsou pa entrega tur informashon pa averiguá kon a yega na e desishon di eksonerashon.

Sektor komersial di Kòrsou ta pendiente e desishon. Ta asina ku na momento e petishon a drenta pa mas informashon, minister di asuntunan Javier Silvania via di Kobrado Nashonal mester duna informashon. Tin opshon pa alargashon di kontesta i Kobradó Nashonal no a logra kumpli ku e lokualnan mester tabatin na kontesta.

E kaso ta importante pasobra den sektor komersial di Kòrsou, hopi kompania a keda mal kontentu ku e desishon di minister, debi na un desishon ku a faborese esnan kende a keda sin paga impuesto. Ta trata di debenen mionario ku tabata kore di entre 1 pa 12 mion florin of mas na retraso di impuesto. Entre nan tabata konta hotèlnan konosí na Kòrsou i diferente kompania lokal mas. Pero awor kompanianan ku si a sigui paga impuesto, ta inisia prosesonan aklaratorio den korte pa wak ta dikon i mediante kua proseder e minister a tuma su desishon.