WILLEMSTAD—Ayera den oranan di anochi, direktiva di FFK, den un  komunikado emití a informá ku for di ayera, e direktiva di FFK no ta gosa di un mayoria mas pa forma “quorum”.

A splika ku ayera mainta sra. Constansia a hiba kombersashon ku presidente di FFK, sr. Griffith, ku a puntr’é pa rekonsiderá su posishon, pero lástimamente durante oranan di mèrdia, a opta pa tuma su retiro tòg.

Konforme e proseduranan stipulá, FIFA a keda informá kaba. Direktiva di FFK a hasi un invitashon na tur su miembronan na un reunion ekstraordinario pa djárason próksimo, dia 28 di febrüari for di 7’or di anochi, pa papia di e último desaroyonan rondó di esaki, pendiente e reakshon di FIFA tambe.