E entrevista aki a klòk 60 mil views. 

WILLEMSTAD,—-Ta asina ku djaweps 11 di yanüari tabata tin e promé programa di farándula “Do-Re-Mi Farándula” riba e plataforma di Korant Vigilante riba FaceBook. E programa menshoná a keda produsí i presentá den “Kontentu” ku ta keda situá den Sambil.

Gibi Doran tabata e promé invitado den e promé edishon,kaminda ku Kòrá Faneite a presentá su 23 kantante nan ku lo a inskribí 14 di yanüari i den mes un rosea Kòrá Faneite a duna di konosé ku tur e 23 kantante nan ku e la menshoná lo pasa tambe pa e anochi final. E 23 kantante nan tabata Ike Jesurun,Jenn Virginia, Roald Balentien,Tico Libiee, Christeline Corasol,Benoni Balentien,Icho Monte,Ephrem J,MJ,Adjatay,Rasta Le,Danny Yanga,Dibo-D,Amos Balentin,DjuDju-V,Luwi Jano,Thallysa Jano,Henry B,Luis Moka,Ivanhoe Willems,Chony Narh,Ray Lauffer i  Semii Marten Excellence. E úniko dos kambio ku tabatin ta ku Icho Monte no a partisipá mas i Henry B a kambia di banda i e la bai ku Dolce Band. Pues den e 23 nan 22 a inskribí i tur 22 a klasifiká pa e anochi final tambe.

Ta asina ku e programa ku Gibi Doran a klòk 14 mil views. E di dos edishon  Shon Benchi  tabata e invitado kaminda ku a para riba e historia di Karnaval for di aña 1961 te ku 1970 e programa a klòk 28 mil views,Mily Hart tabata e di tres invitado i su programa a klòk 15 mil views,Vader Volk  su programa a klòk 31 mil views ,despues a sigui rei di tumba 2024 e entrevista ku Adjatay ta para na 60 mil views i tabata djaweps tras di lomba ku “E mucha na hel” Jefdaney “Nani/Jef” Manuel tabata invitado i su entrevista ta para na 26 mil views. Pues e programa “Do-Re-Mi Farándula” ku ta un kreashon di señor Lilo Sulvaran i presentá pa Kòrá Faneite den seis programa ku seis diferente invitado a klòk 173 mil views. Ya tin plan nan pone riba misa pa e programa sigui den temporada di Seú i tambe e lo sigui tambe un bes pa siman riba e plataforma di Facebook di Vigilante i esaki lo bai keda un produkshon di “Kontentu” i tur e programa nan lo bai tuma lugá den studio di “Kontentu” ku ta situá den Sambil.

Un pabien ta bai na Lilo Sulvaran ku ta esun ku a krea “Do-Re-Mi Farándula”,pero tambe un pabien grandi ta bai pa e tim kompleto di produkshon di “Kontentu”, ku a perkurá pa hasi un tremendo trabou i un pabien ta bai pa e presentadó di e programa ku ta Kòrá Faneite.