Saliendo ku e promé sospechoso ku a keda aresta pa e tim di aresto.

Willemstad—-Relashoná ku e  kaso di atrako ku a tuma lugá dia 27 mart 2024, den Kaya Wilfred Pieters na altura di un Crematorio, unda a bai ku un botin di mas ku 250 mil florin, ayera  polis  a realisá dos detenshon mas.

Tabata di 27 di mart último  den oranan di atardi ku a tuma lugá un atrako armja riba un dama den aria di e crematorio na Brievengat riba un dama na unda a logra di kita su tas ku pertinensha den djei  tambe un otro tas ku tabata kontené un suma formal di plaka kual ta trata di un suma di 250 mil florin .  Ta trata di un dama ku tin e trabou di hasi kobransa pa un negoshi ku e ta traha pe pa despues e  tin ku bai depositá e suma di plaka. E tiponan ku tabata envolví den e atrako tabata bon na altura di e moveshon di e dama ku suma basta grandi di plaka den su poder. Esaki a pone ku nan a para den aria d Brievengat den serkania di e crematorio  pa asina por a sigui e dama aki su pasonan.   Tabata na altura du e crematori aki ku dos tipo den un Kia Picanto shinishi bou di menasa di arma a kita e suma di plaka bai kune. Un ratu despues e vehikulo ku e dos okupantenan den dje a wordu senala i tabata den  Bahamasweg Buena vista ku e vehikulo a aksidenta unda a logra di detene un sospechoso I e otro si a logra di kore bai ku e botin. Tabata fasi pa yega na e otro sospechoso ya ku e Kia Picanto tabata su vehikulo I tambe e la kore bai laga su telefon atras. Esaki a pone ku despues di algun dia e tim di aresto a logra di detene e sospechoso aki den un vehikulo net na momento ku e tabata riba Winston Churchillweg lorando pa bai su kas na Cubaweg. Despues di su detenshon a listra na su kas na Cubaweg I tambe na un otro kas den Kanga. Kontinuando ku e investigashon, ayera  djaluna 6 di mei 2024 alrededor di 07.30’or, Tim di Aresto  a detené e hòmbernan S.M.C.G., di 26 aña di edat i J.E.J.J.G. di 28 aña di edat ámbos nasé na Kòrsou, pa e kaso di atrako ariba menshoná. Detenshon di e hòmbernan aki a tuma lugá den Kanga. Despues di e detenshonnan e tim di Atrako a tene entrada hudisial na dos adrès den Kanga. Durante di e entrada hudisial a haña i konfiská: • un arma di kandela; •opio; • un vehíkulo i diferente artíkulo ku ta di importansia pa e investigashon entre nan asta un suma di plaka. A presentá e sospechosonan dilanti di un fiskal ouksiliar ku a ordená nan enkarselamentu  pendiente di mas investigashon. No ta esklui ku lo bai tin mas detenshon pa e atrako di un botin formal aki.