Segundo patruya ku a yega Mambo pa asina sostené e investigashon.

Willemstad,– Despues ku den siman tras di lomba gerensia di Mambo a indiká ku nan lo kuminsá reforsá seguridat riba nan tereno, mesora detenshon nan a kuminsá kai pa persona nan ku no ta kumpli ku reglanan stipulá.

Pa algun tempu kaba mas i mas turista ta reklamá na trahadónan di Mambo i na gerensia ku vários persona sospechoso ta ofresiendo droga durante fiestanan den e área. Mirando ku benta di droga na e laman, por afektá seguridat i bienestar di e bishitante na Mambo, gerensia a opta pa imponé “zero tolerensia” entrante 1 di Aprel 2023.

Segun reglanan di zero toleransia, si un bishitante no kumpli ku e reglanan stipulá di Mambo BLVD, seguridat tin tur derechi pa pidi un bishitante pa bandoná e sitio. Un di e reglanan prinsipal ta ku tur bishitante mester tin un sédula bálido i alabes mester presentá e sédula na seguridat akaso seguridat pidi pa esaki.