WILLEMSTAD— Outoridatnan aki na Kòrsou ta hasiendo lo máksimo pa mas pronto posibel laga ekstraditá dos sospechoso ku a keda detené durante e último dianan na Repúblika Dominikana.

Durante e último dianan a bira konosí ku a realisá aresto di dos sospechoso aya na Repúblika Dominikana pa ku investigashon aki na Kòrsou. For di informashonnan no konfirmá pa Minister Públiko aki lo ta trata di dos YDK i ku asta ta trata di un dama i un hòmber ku ta basta konosí. Ta sospechá ku e duo aki lo mester ta envolví den krímennan organisá no aki na Kòrsou so pero na otro partinan tambe. Den pasado un di e sospechosonan aki ya a keda detené na Repúblika Dominikana mes i tabata hasiendo e trámitenan pa ekstradite pa Kòrsou pero despues e la bin rekobrá su libertat. Un biaha mas e la keda detené  unda asta tin bisa ku outoridatnan lokal ya ta aya nan pa mas pronto regla e dokumentonan pa asina por bin Kòrsou ku e dos sospechosonan aki.  Ta trata di un investigashon basta grandi ku ta pasa frontera ku outoridatnan tin basta tempu ta investigá. A trata pa konformá e notisia aki via diferente kanal pero ta manera tur hende kier bula pipa i no kier bai den detaye di e detenshon òf kier pa tur kos tuma lugá den sekresiá. Awe mainta e notisia a keda konfirmá pa Ministerio Públiko