ZWOLLE—Ayera mainta un outomobilista a kore drenta un krèsh na Zwolle kaminda un kriatura i e outomobilista a keda heridá.

Posiblemente e outomobilista a bira malu tras di stur. Na momentu ku e outo a subi e plenchi tabatin hopi hende presente segun RTV Oost. Un kriatura a keda alkansá pa e outo i a keda leve heridá. E insidente tabatin un impakto granbdi riba e kriatura i e mayornan pero tambe riba e otro muchanan i personal di e krèsh. A buska asistensia pa e grupo segun un bosero di Veiligheidsregio IJsselland. E edat di e mucha i e outomobilista no ta konosí. Polis ta kere ku e outomobilista a bira malu. E outo a dal den e edifisio i para riba un seru. E outomobilista a logra sali su mes for di outo. Tur dos herido a keda transporta pa hospital ku ambulans. Djis despues di e aksidente 4 ambulans a yega na e sitio ku diferente brantwer i dos helikopter di trauma. Kon e aksidente a tuma lugá no ta konosí. Polis ta hasiendo investigashon. A pidi mayornan pa bin buska e muchanan.