ROTTERDAM—Duana britaniko ta bai hasi ekstra kontrol riba alimento i flornan for di Hulanda i otro paisnan Oropeo.

Esaki ta nifiká ku britanikonan lo mester bai paga mas pa e produktonan aki. E introdukshon di e kontrolnan a keda pospone 5 biaha kaba pa preokupashonnan riba oumento di preisnan. Ta pronostiká ku e produktonan importá lo kosta 385 mion euro pa aña debi na e kontrolnan. E reglanan ta konta pa karni, piska, keshi i produktonan laktoso i 5 sorto di flor. E produktonan mester tin un sertifikado di salubridat firmá pa un funshonario di Union Oropeo, manera un veterinario of inspector di fábrika. Temporalmente ta tuma un sertifikado pero for di 30 aprel e kontrolnan lo ta amplio ku inspekshonnan di produkto. Esaki port rese problemanan den entrega. Asosashon di komersio a pidi gobiernu britaniko pa no introdusí e inspekshonnan. Ku e kontrolnan gobiernu britaniko kier protekshon kontra malesanan. Tambe kier kompetensia hustu pasobra 4 aña pasa a introdusí mesun reglanan pa eksportashon britaniko.