Pa di dos sigui nan ta resultá grupo di aña.

WILLEMSTAD,—-E aña aki sigur e kos tabata mas interesante i kayente pa loke ta trata resultado di premiashon di grupo nan adulto. E sala di fiesta di “W.T.C.” tabata tin un tenshon grandi na momentu ku a kuminsá anunsiá e resultado pa loke ta trata grupo nan ku a partisipá den gran marcha 2024.

Si mester bisa ku for di gran marcha ku a tuma lugá siman pasa djadumingu hopi hende tabata bisa ku e chèns ta hopi grandi ku grupo “Dushi Aventura” por bolbe keda korona komo grupo di aña 2024. Na tur mester bisa ku e grupo menshoná a bai kas ku kuater premio den kuater diferente kategoria i banda di esei nan a bai kas ku e premio máksimo.   

Esaki ta e resultado final pa loke ta trata e sekshon di gran marcha. “Mas kreativo “Dushi Aventura,mas original “Dushi Aventura”,mihó akabá “Estreno”,mihó road piece “Dushi Aventura”,mihó Bar “A’legria”,mihó karosa “Dushi Aventura”, di dos finalista grupo “HOTD”,promé finalista “Estreno” i grupo di aña adulto a resultá pa di dos aña konsekutivo grupo “Dushi Aventura”.

Tabata tin un fiesta i alegria total di parti di miembro nan di grupo “Dushi Aventura” na momentu ku Giovanni Abath komo maestro di seremonia a anunsiá ku grupo di aña adulto 2024 ta resultá grupo “Dushi Aventura”.