Willemstad—–Mas o ménos 120 militar di e Brigada ku armadura blindá, esun di mas pisá di Forsanan Militar Hulandes, ta trein for di awe 11 di aprel 2023, na Kòrsou.  E ehersisio yamá ‘Caribbean Poacher’  ta dura te ku dia 28 di aprel i ta kuminsá  ku un programa di aklimatisashon, pa kustumbrá  na entre otro ku e temperatura  i e humedat di Kòrsou. Pa e ehersisio aki e enfoke ta riba e asina yamá  ‘voetoptreden’, pues habilidat pa presta na pia, i lo no tin vehíkulonan blindá envolví.  E di 43 Brigada Mekanisá, no ta un parti di e Brigada ‘Compagnie in de West’ di Defensa ku ta permanentemente presente den e Region Karibe Hulandes.

E brigada ta konsistí den gran parti di sòldánan di infantería bon di trein i personal tékniko. E militarnan ta di trein pa konfliktonan pisá i ku ta dura pa largu tempu. E tarea aki nan mester por ehekutá esaki tur kaminda na mundu.  Tambe den regionnan kalor.  Pa motibu di e retonan di e terenonan i sirkunstansianan klimatológiko, Kòrsou ta ideal pa ofresé e militarnan un programa úniko di treinen. Ademas di trein nan habilidatnan, e sòldánan lo ekspandé nan límitenan físiko i mental den un área ku ta nobo pa nan.  Tur esaki ku e benefisio pa por envolvé nan mes den sirkunstansianan deskonosí i fortalesé  e sentido di unidat, hañando konfiansa den nan mes i den nan kompañeronan.

Ekipo mas pisá

E Brigada Mekanisá 43 ta un unidat di kombate ekipá i prepará pa operashonnan di kombate di intensidat haltu, kontra atversarionan moderno. Nan ta hasi esaki ku vehíkulonan blindá di teknologia haltu, ku ta ofresé un fuerte protekshon i ku tin un potensia impreshonante di kandela. E kombinashon di e potensial di kandela aki, e armadura blindá, pero tambe e velosidat i potensial di maniobra, ta hasi di e Brigada aki e ekipo di mas pisá i potente den Ehérsito Militar Real; i ku por keda desplegá den e espektro di violensia di mas haltu i intenso.