Willemstad—E YDK será na Sto Domingo bringando su ekstradishon pa Kòrsou a trese padilanti ku e prizòn na unda e ta será ta asina inhumano i ku pa e ta será eiden mihó e muri numa.
Djarason último e sospechoso Urwin “ Nuto” Wawoe un biaha mas mester a presentá dilanti di tribunal huntu ku su abogado pa asina bringa e detenshon i ekstradishon ku tin kontra di dje pa ku Kòrsou. Durante di e tratamentu den Korte Nuto a splika ku e prizon na unda e ta sera ta sumamente inhumano i ku tambe e ta preferá di tin un traduktor ku por tradusí tur kos pe na papiamentu pa asina e por komprondé i defendé su mes mas mihó den su lenga natal. Hues mesora a bai di akuerdo ku e petishon i lo kontinuá ku su kaso dia 3 di mei benidero. Miéntras e dos otro sospechosonan Hulandes tin ku warda te dia 13 di yüni pa por sigui ku tratamentu di nan kaso pa ku nan ekstradishon pa Hulanda.