Cinemark ta sera na yanüari 2023

Punda—Empresanan  Chikí na Kòrsou ta sintiendo efektonan di Covid lokual  lo reflehá riba nan kuentanan anual di 2020, 2021 i finalmente 2022.

Despues di dos aña di Covid, ekonomia di Kòrsou ainda no a yega su punto di mas abou. Pero segun e deskonfiansa sigui oumentá e sla ta bini di abou yega ariba. Kòrsou su ekonomia doméstiko ta dependé di mas ku 55% di kompanianan chikí i mediano. Esaki ta nifiká bolsa di konsumidó kumprando lokal i gastamentu lokal. E por ta karson, prenda, tayer di outo, piesa, muebles. Ekonomianan mas grandi ku Kòrsou a sobrebibí Covid te ainda dor di mantené e struktura di gastamentu. Pa Kòrsou e no ta bai sali tampoko por lo pronto. Kolektivamente e ekonomia ta kuminsá drai pero ku forsa kontrali. En bes di sigui krese, hopi kompania chikí no por mantené gastunan operashonal debí na e nivel haltu di kosto di labor na Kòrsou. E merkado simplemente no tei mas. E kombinashon di sera e ekonomia internashonal (turismo) kombiná ku sera 55% dje fuente di konsumo lokal, tabata e desishon mas malu ku ekspertonan por a konsehá.

E struktura di kompanianan chikí i mediano lo risibí sla duru debí na un retraso grandi den forsa di kompra. Un ekonomia dependiente di konsumo lokal manera na Kòrsou ta dependé tambe riba konfiansa. Si gobièrnu di Kòrsou a reakshoná na tempu i na promé lugá garantisá entrada di kompanianan chikí i mediano kombiná ku frismentu di tur fiansa na banko i supsidiá konsumo di utilidat, e sla ekonómiko lo tabata ménos. Kontrali, Kabinete Rhuggenaath i Pisas a gèmbel i finansiá e sektor públiko en bes di esun privá.