WILLEMSTAD—- E sifra di 26 morto den tráfiko ta basta haltu kompará ku e último aña nan.

Segun Ellis si por a sigui tur e investigashon den tráfiko na unda tabatin aksidente fatal a bin konkluí ku mayoria di  nan tabata pa ekseso di velosidat den tráfiko.  Den nan 11 kaso tabata pa krusa kaya di un manera deskuidá. 4 tabata pa no duna preferensia. Kore banda robes tabatin 2. Kore bou di influensia tabatin 2 i 1 tabata pa malesa. 20 di e kasonan di aksidente fatal tabata di 1 morto i tres otro tabata trata di aksidente unda  2 persona a fayesé den un aksidente. 23 di e víktima a fayesé mesora ora e aksidente a tuma lugá miéntras 3 a fayesé riba un otro dia ku no ta e dia ku e aksidente a tuma lugá.   Kaso di ekseso di velosidat unda e víktimanan a bin fayesé den tráfiko mayoria di nan tabata hende hòmber. 19  di e mortonan den tráfiko na aña 2022,

7 tabata hende muhé i nan ròl den tráfiko 10 di e víktimanan aki tabata shofùr miéntras 5 di e víktimanan tabata okupante esta sinta den banda. 8 di nan tabata peaton i dos tabata riba baiskel i unu riba motosaikel. Djaluna i djabièrnè tabata e dianan ku mas aksidente fatal a tuma lugá. Loke ta e orarionan ta entre 6 or di mainta pa 6 or di atardi tabatin 10 aksidente fatal i entre 6 or di atardi pa 6 or di mainta tabatin 13 aksidente ku morto. Un análisis ku a ser hasi a trese ku for di aña 2018 pa 2022 por ripara ku e kayanan ku tabatin mas aksidente ku ta e kaminda ku ta kondusí pa Westpunt ku  tabatin 9 aksidente ku a kondusí na 11 morto sigui pa Rooseveltweg, Schottegatweg west tabatin  5 insidente ku 5 morto. Schottegatweg Noord tabatin 4 aksidente fatal unda 5 hende a fayesé i Helmin Wiels Boulevard tabatin 4 aksidente ku resultado di 5 morto.