Everitsz  ta bisa ku e pasahero nan a kuminsá abusá i no ta puntra. Ta bisa mi ta baha paden, e kos no mester ta asina.

Willemstad,– Señor Andres Everitsz ta splika tokante di tarifanan di Bus i e ta bisa ku un bus ta mará na tarifa i e tarifa ta mara na e kaminda nan prinsipal. E ta bisa ku hopi tempu kaba tin bus chikí (mas ku 100 aña) anto semper tabata asina ku e hendenan ta drenta bus i si nan tin dos pa tres tas nan ta pidi shofùr pa baha nan na kas i pues, e bus mester desviá i esei ta mará na un kosto, e kosto aki no tin un preis, paso dependé na unda i kon leu bo ta bai paden. Tambe hopi kaminda bo ta desviá pa baha hende, e kaminda ta hopi malu.

Everitsz  ta bisa ku si un tayer kibra mester lapi òf kumpra nobo i esaki ta mará na gastu.

E ta bisa ku e pasahero nan a kuminsá abusá i no ta puntra ta bisa e ta bisa bo mi ta baha paden, e kos no mester ta asina, e kos mester ta ku promé ku e pasahero drenta bus e mester puntra e  shofùr si e por bah’é na sierto kaminda ku ta for di ruta i mester puntra e shofùr promé ku bo drenta, kuantu e ta kobra.

Pues Everitsz ta bisa ku mester yega na palabrashon promé ku drenta e bus. E shofùr por disidí ku riba kaminda prinsipal ta 2.70 e ta kobra, pero si e desviá e por kobra bo kuantu ku e ke, p’esei mester puntra adelantá pa disidí si bo ta bai kuné. No por ta asina si ku bo ta drenta e bus i bo kier disidí kiko bo ta paga. E kos a bira for di òrdu, desviashon di ruta no tin preis. Pa e kamindanan prinsipal si tin un lista di preis ku gobièrnu a stipulá. Everitsz ta splika ku pa kada distrikto tin un tarifa.