HEEMSKERK—Na Diemen i Ridderkerk, Heemskerk i Rotterdam tabatin diferente eksploshonnan den kasnan den anochi di djasabra pa djadumingu.

Na Dalkruid den Diemen-Zuid un kas tabata blanku di un insidente ku eksplosivo i tabatin daño material na e kas i otro kasnan den serkania. E eksploshon tabata den oranan lat di djasabra. No tabatin heridos. No tin pista di e sospechoso(nan). Dilanti un apartamento na Raadhuisstraat na Heemskerk un eksplosivo a aktiva alrededor di 4.30. Polis ta informá ku afortunadamente no tabatin herido. Posiblemente ta trata di un vürwèrk peligroso. E hal di e flèt a keda destruí. Na Koninginneweg Ridderkerk tambe tabatin un insidente ku eksplosivo despues di mei anochi na entrada di un kompleho di apartamento. E porta i entrada a keda destruí. Pida glasnan a plama riba kaya. Kasi un aña pasa, 30 desèmber 2022, tabatin un insidente ku eksplosivo den mesun apartamento. Mas lat e anochi ei tabatin un eksplosivo ku vürwèrk peligroso den Wteringstraat na Kralingen-Crooswijk. E daño a keda limitá.