DEN HAAG—E stadhuis na Den Haag tin èkstra protekshon ku vigilansia for di ayera pa motibu di un menasa.

Bishitantenan por drenta e stadhuis solamente via entrada prinsipal, e otro entradanan ta será, segun e munisipio. For di djamars tin èkstra agentenan polisial dilanti stadhuis. Polis ta buskando e sospechoso. E identidat di e sospechoso ta konosí pa polis. No ta tuma ningun rísiko segun un bosero polisial a bisa Omroep West. No ta konosí ki tipo di menasa. Na skina di stadhuis na Schedeldoekshaven tabatin un tiroteo riba un kantor. Segun polis no tin indikashonnan ku e dos kasonan ta relashoná.