WILLEMSTAD,– Parlamentario pa partido Nashonal di Pueblo, Elvin Gerard ta bisa ku gobièrnu mester traha duru pa Kòrsou tin su propio kompania di Internèt. Gerard ta bisa ku ta hopi yamada e ta haña di hendenan ku ta kustumbrá di tin Internèt den wikènt i ku ta paga nan kuentanan tur luna.
E ta splika ku el a haña un mail di direktor di FLOW ku kier papia kuné, e ta bisa ku e no tin problema ku esaki, pero e direktor di FLOW ta lat i lo mester papia ku e pueblo. E ta bisa ku e klientenan di 2 G a kai afó. E ta bisa ku FLOW por a komuniká ku e hendenan aki i partisipá na nan ku ta bai kita nan for di e servisio di 2 G pa bai over na 4 G. Pues tur e hendenan ku un telefon ku 2 G no por a hasi uso di e telefonnan aki i awor kier bai over na pone nan den 4G kaminda nan lo mester bai paga un preis mas haltu di lokual nan a paga semper.
Señor Gerard ta bisa ku e servisio di FLOW na lugá di bira mas mihó, a bira mas malu i e ta lamentá esaki paso e kontròlnan tei. E ta bisa ku gobièrnu ta trahando duru pa bini ku e lei pa por atendé na serio ku e kosnan aki. Tambe e ta agregá ku gobièrnu mester atendé tambe pa Agua-tel kuminsá funshoná pa asina Kòrsou mes tin su kompania di Internèt. “Ta wardando pues riba e statuto pa asina nos por haña nos mes kompania kaminda komo gobièrnu lo bo tin di bisa den e kompania”, pues parlamentario Elvin Gerard.