TER APEL—Empresarionan na Ter Apel a pèrdè konfiansa den politika mas pasobra no ta hasi nada na molester di solisitantenan di asilo den e bario.

Tur hende tin molester pero nos no ta haña yudansa i e bario ta destrosá, segun un karta di urgensia di empresarionan na politikonan lokal i nashonal. Den e karta emoshonal e empresarionan ta bisa ku nan a mantene silensio pa largu tempu pa no daña e imagen di e bario inesesariamente. Pero nan a yega na e konklushon ku silensio no a logra nada. Esaki pasobra politikonan ta atende nan propio agenda, segun e empresarionan. Tur hende tin mesun interes: nan propio trabou, responsabilidat for di propio funshon, ku ta otro pa tur hende, kada un ku nan propio interesnan. Mas aleu e alkalde di munisipio Westerwolde ta mustra poko sosten, segun e empresarionan. Ta un hende masha life pero nos mester un leon. Segun e empresarionan 200 solisitante di asilo ta soru pa molester den Ter Apel. Ta trata di robo, menasanan i intimidashon. Esaki ta kosta nan kliente. Nos no kier klientenan ku tin miedu pasobra un hende ta kana grita. Nos kier kana sin vigilansia bai outo, nos kier un negoshi normal meskos ku tur kaminda den Hulanda. Den e karta nan ta eksigí pa saka e malechornan i no akomoda e tipo di hendenan aki mas den Ter Apel. Tambe nan kier mas agente riba kaya i un kompensashon pa e daño di imagen i robonan. E karta no ta firmá ku nombernan i no ta kla kuantu hende ta para tras di e karta. E karta ta firmá pa empresarionan hopi preokupá den Ter Apel.