Estádos Unídos a duna dia 30 próksimo komo ultimátùm.

WASHINGTON – E gobièrnu di Estádos Unídos a atvertí esun di Venezuela ku nan tin te ku dia 30 di novèmber próksimo pa habilitá tur e kandidatonan pa kompetí den elekshonnan presidensial di 2024 i tambe pa liberá tur e prezu nan polítiko. Si esaki no sosodé nan lo bolbe implementá sanshonnan ku a keda kitá resientemente.

Tambe a indiká ku ke mira liberashon di e estadounidense nan detené di forma inhustu na Venezuela i naturalmente di otro presunan polítiko tambe.

Den e entrevista, a indiká seriamente ku si no tene kuenta ku e kondishonnan aki, Estádos Unídos lo bolbe pone e sanshonnan di Venezuela. Pues a kita esaki nan ku e akuerdo di forma di un akuerdo elektoral entre gobièrnu di Nicolas Maduro i oposishon venezolano na Barbados, dia 17 di òktober tras di lomba.

Mas aleu a indiká, ku esaki ta debí ku ke mira resultado pa asina demostrá ku e promé paso ta un eksitoso. Pues Estádos Unídos a baha e sanshonnan komo un stap basta grandi di muestra di nan kompromiso, pero despues di dia 30 próksimo, si no mira nada di Venezuela su banda, lo mester bini ku e sanshonnan bèk.

A añadí ku lo sali kita e pèrmit nan general den nan totalidat i tambe diferente opshonnan ku ta desaroyando, konsultando ku e Kongreso.

Dia 22 di òktober tras di lomba, e plataforma opositor di Venezuela a selebrá elekshonnan primario den kua Maria Corina Machado tabatin un viktoria amplio.

Sinembargo, e Tribunal Supremo di Hustisia di Venezuela a anunsiá poko dia despues e suspenshon di tur e fase nan di primario opositor komo respuesta na un rekurso introdusí pa e diputado opositor Jose Brito, kende a pidi pa kontrolá si tabatin iregularidatnan den e votashonnan.

Despues di firma di e akuerdo entre gobièrnu i e plataforma opositor di Venezuela pa elekshonnan presidensial di 2024, e gobièrnu di Estádos Unídos a suavisá e sanshonnan temporalmente.

E Ofisina di Kòntròl di Aktivo Ekstranhero di Estádos Unídos a outorisá e empresa nan estadounidense ku karakter temporal pa determiná operashonnan den e sektor hidrokarburo di Venezuela ku ta prohibí i a papia di renobashon di alivio pa kumpli ku akuerdonan entre e gobièrnu i oposishon pa ku elekshonnan presidensial 2024.

E presidente venezolano, Nicolas Maduro a sigurá ku den 2024 lo tin elekshonnan presidensial, esaki ku òf sin sanshonnan.