Estádos Unídos un biaha mas ta konsehá su siudadanonan pa bandoná Haiti.

PORT- AU- PRINCE – E embahada di Estádos Unídos na Haiti a pidi tur su siudadanonan ku ta na e pais pa bandoná esaki mas lihé ku ta posibel. Esaki debí na problemanan di seguridat i infrastruktura i un subida di violensia.

E intensifikashon di guera entre gèng nan armá di Haiti a provoká un krísis humanitario devastador ku a pone masoménos 200.000 persona na henter e pais move i a laga mas di 5.2 mion di persona, kasi mitar di e poblashon, ku nesesidat di yudansa humanitario.

Na inisio di e luna aki, e embahada di Estádos Unídos na e kapital haitiano, Port-Au-Prince, a sera temporalmente debí na tiroteonan registrá na e sitio.