Willemstad – Riba 14 di sèptèmber 2023, Europe Direct Curaçao den kolaborashon ku
University of Curaçao Dr. Moises Da Costa Gomez (UoC) i Kámara di Komèrsio & Industria di
Kòrsou a organisá un debate tokante di Union Europeo. E debate tabata riba e tema di
Elekshonnan Parlamentario Europeo ku lo tuma luga na yüni 2024.

E personanan presente tabata di akuerdo ku e deber di registrashon pa por bai vota ta forma un obstákulo pa esnan ku tin derechi di voto na Kòrsou.

Registrashon ta tuma luga digitalmente, mientrastantu no ta tur hende na Kòrsou tin un kompiuter óf laptop disponibel.

Basá riba proposishonnan tokante e status di Paisnan i Teritorionan Ultramar i e akseso na
fondonan di Union Europeo, tabata tin basta diskushon.

E Youth Sounding Board di Europe Direct Curaçao a hunga un papel dinámiko den enrikese e
diskushon aki ku nan perspektivanan hubenil.

Nan partisipashon ta subrayá e importansha di inklusividat i kontribushon di hobennan den e debate Europeo na Kòrsou.

E panelistanan Gwendell Mercelina, Judric Pietersz, Kenville Kleinmoedig, Dave Liqui Lung i
Remco Gomez a tuma un posishon riba algun tòpiko di Union Europeo manera e EU Green
Deal.

Tambe, públiko a duna nan opinion i a uni nan mes den e diskushon , spesialmente na
final di anochi tokante e delaster punto di e debate “Nos ta un bon aporte pa Union Europeo
i Union Europeo tambe ta un bon aporte pa nos.” Europe Direct Curaçao i UoC ta kontentu
mirando e desaroyo di e anochi.