Ámbos hòmber detené tabata di orígen venezolano.

BOGOTA – Dos hòmber ku tabata transportá 184.96 kilo di droga di Colombia pa Caracas a keda detené pa funshonario nan di Forsa Armá Nashonal Bolivariano.

Segun informashon nan duná, e dos siudadano nan aki, ámbos di nashonalidat venezolano, tabatin 315 pakete di droga den nan poder, ku un peso di 184.962 kilo, skondé den un fondo falsu di e vehíkulo.

E militar a indiká ku e detenido nan a manifestá ku nan a atkerí e droga na Repúblika di Colombia i mester a hiba esaki pa Caracas.

Den e promé siman di aña, outoridat nan a haña 72.5 kilo di mariwana den dos operativo turístiko na Los Roques.

Ademas, segun a keda indiká, militar nan i agente nan polisial a haña durante aña pasá un total di 52.186 kilo di droga, loke ta un 10.4% mas kompará ku 47.264 di aña 2022.

Den total di 2023, e 83.7%, 43.704,3% tabata kokaina. Ademas a indiká tambe ku a sa di realisá detenshon di 15.250 persona pa nan vinkulashon ku tráfiko di droga.