Ta ofresiendo asta 2.000.000 pa tep ku por yuda na yega na paradero di e hòmber.

PORT-AU-PRINCE – E programa di Rekompensa kontra Delinkuensia Organisá Transnashonal di e Estado di Estádos Unídos ta ofresé un rekompensa di asta 2.000.000 dòler pa e informashon ku por kondusí na detenshon òf kondena di Vitel’Homme Innocent, lider di e grupo armá Kraze Barye.

Innocent ta un di e dies profugo nan mas buská pa FBI. Segun e informashon, na òktober di 2021, aparentemente e lo a kolaborá ku e grupo 400 Mawozo den e sekuestro di 17 misionero kristian na Haiti, entre kua tabatin 5 menor di edat i un di apénas ocho luna di bida.

Un dokumento ofisial di FBI, ta nara ku e kriminal a retené e víktima nan hasiendo uzo di arma di kandela. Mayoria di esaki nan a permanesé durante 61 dia sekuestrá.

E grupo nan a eksigí e pago di reskate di kada un di e víktima nan. A afirmá ademas ku na òktober di 2022, dirigí pa e mesun hòmber aki, e grupo a sekuestrá un siudadano estadounidense na Haiti i a mata un segundo siudadano estadounidense durante un intento di sekuestro.

Innocent ta akusá di krímen nan di entre otro konspirashon pa buska rehen, sekuestro di rehen nan, konspirashon pa sekuestro i vários akusashon mas.

Outoridat nan estadounidense a informá ku mester konsiderá e hòmber aki armá i sumamente peligroso.