Bart Niks, fiskal di Ministerio Públiko ayera den sala di korte durante su último kaso.

Nieuwe Haven, — Fiskal di Ministerio Públiko, Bart Niks ayera mèrdia a hasi su último kaso na Kòrsou. Despues di 3 aña e ofisial di Ministerio Públiko ta  bandoná Kòrsou ku su famia, rumbo pa Hulanda.

Ayera, Niks mester a trata dos kaso, unu mainta i unu mèrdia. I den oranan di mèrdia e la despedí ofisialmente for di miembronan di prensa den sala di korte. Niks lo bandoná Kòrsou na Yüli próksimo despues ku su yunan finalisá e aña eskolar. Segun Niks tabata 3 aña plasentero na Kòrsou. E la bisa di siña hopi durante su añanan na Kòrsou. Segun Niks, na Hulanda, por ehèmpel ta laga bo traha riba un área spesífiko di krímen. Por ehèmpel na Hulanda e tabata enkargá ku investigashonnan penal rondó di pòrno hubenil. Pero na Kòrsou bo ta traha riba diferente kaso, lokual ta amplia bo eksperensha, e la splika Vigilante ayera. Niks den su último kasonan a traha riba e kaso di kònteiner ku droga, unda ta sospecha un organisashon kriminal di a eksportá por lo ménos 820 kilo di kokaina pa Hulanda.