2018: for di 2018 tabatin 250 mion dòler riba kuentanan di Ennia, un total di 455 mion florin. Grimm i Jardim a sigui krea impreshon di problemanan bionario na Ennia i awor e bista di ámbos ta den diferente direkshon.

Punda- Kredibilidat di Banko Sentral, tras di e bèrdat den debakel di Ennia Caribe Holding ta kuestioná. Eks direktor di Resolushon na e instituto monetario na aprel último a splika e situashon pa lokual ta trata rekuperashon di Ennia.

Segun Grimm, ya kaba tabatin 400 mion florin rekuperá di Ennia, lokual segun Korte di Apelashon ta sufisiente mirando ku korte a stipulá e daño na aktivo, na un total di 260 mion florin. Un biaha mas, Banko Sentral ni tampoko e maneho interino na Ennia, por duna un kalkulo riba 1.1 miar florin na daño den solbabilidat di ECL, Ennia Caribe Leven.

Segun Grimm, Banko Sentral aktivamente a buska e invershonnan den Kirby Corporation miéntras tambe e la konfirmá ku e kostonan di rekuperashon tabata riba 20 mion florin, prinsipalmente na kostonan di konseho hurídiko. Grimm a splika ku un karta ku nan a manda a pone tur hende responsabel pa e dañonan okashoná, ku segun Banko Sentral tabata 1.1 miar florin. Alabes e al splika den korte tambe ku ta bai inisiá e proseso di bende Mullet Bay, kual na e momentonan aki ta den un disputa sivil. E eksperto a splika di no mester ekskluí benta di Mullet Bay tambe den kuadro di e rekuperashon. Segun Grimm, konfirmá pa Jose Jardim, kada komisario lo risibi un akshon pa rekuperashon, dependé riba e veredikto di korte. E la duna di konosé, ku ya tin 400 mion florin rekuperá. Pero en realidat, e vershonnan entre Grimm i Jardim ta desviá tantu den medionan di komunikashon komo den korte.

Despues ku Banko Sentral a emití e desishon di korte na Yüli 2018 pa outorisá e medida, tabata Merryl Lynch na Estádos Unídos a kuminsá pone embargo riba e kuentanan kèsh di Ennia, pasobra Merryl Lynch no tabata komprondé kiko ta pasando na 2018. Hushang Ansary tambe a pone embargo bek riba e kuentanan i tabata despues ku Banko Sentral a inisiá un proseso den korte, mediante e veredikto na Kòrsou,  pa kita e embargonan imponé di Ansary. Pues , no ta trata di rekuperashon manera Banko Sentral a menshoná sino tabata kuentanan eksistente ya bou maneho di Ennia Caribe Holding/Leven. En total, a logra tin akseso bek na 400 mion florin, manera Grimm a menshoná, kual awor ta resultá di ta sufisiente, kontrali na lokual tabata sirkulando riba 1.1 miar.

Riba e famoso “100 mion dòler” tampoko Banko Sentral a duna e informashon korekto. Den korte, durante tratamentu kual ta Vigilante so tabata presente, a splika klaramente spliká ku na Yüni 2018, Ansary a duna órden pa manda e sèn Estádos Unídos, pero riba 5 di Yüli tabata Ansary mes kende a duna órden pa depositá e sèn bek. E informashon aki a bini dilanti durante último tribunal den apelashon. Riba 6 di Yüli, momento di e Medida di Emergensha, tabatin na Meryll Lynch 180 mion dòler depositá na sèn kèsh, esta kapital likides. Ya kaba durante 2018, Ennia Caribe Leven a risibi akseso na e 100 mion dòler ku Ansary a depositá bek i tambe na finalnan di 2017 a depositá 50 mion dòler adishonal den Leven. A keda na Merryl Lynch un kantidat di 80 mion dòler den invershonnan manera Facebook, SnapChat, Google i Instagram. Si konta tur kos huntu, ta yega na un suma di 250 mion dòler na aktivo likides sirkulante presente riba kuentanan na Meryll Lynch.

E suma total na 250 mion dòler, tabata Merryl Lynch kende a imponé un embargo riba dje i no Banko Sentral, manera menshoná na promé instante. Despues den un wisio sumario na Kòrsou, Hues mr Veling a duna Ennia aksesibilidat bek na e sèn, pues no ta asina ku Ennia Leven a bira mas riku sino a risibi aksesibilidat na e sèn i invershon ku tabata na 250 mion dòler, kual tabata ekivalente na 450 mion florin. Último desishon di korte a kalkulá e daño na 260 mion florin, nifikando ku for di 2018 ya kaba Banko Sentral tabatin sufisiente akseso riba lokual a stipulá na daño i no tabatin mester di por ehèmpel bende Banco di Caribe! Por konsiderá hasta e benta di Banco di Caribe komo un daño okashoná na kobertura den grupo Ennia Caribe Holding. Alabes, e sènnan nunka tabata riba kuenta di Ansary sino riba kuenta di Ennia Caribe Holding.