UTRECHT—Frekuentemente ta komete froude ku eksamennan di teoria pa reibeweis ku yudansa di kamara skondí i ekipo audio.

Buro sentral di reibeweis CBR ta bati alarma pa froude ku ta tuma lugá riba gran eskala. CBR no kier menshoná sifranan eksakto, pero ku den último tres pa kuater siman a deskubrí 4 hende hasiendo froude. Segun CBR algun biaha pa aña ta deskubrí kandidatonan riba froude, pero tin indikashonnan ku awor e ta sosode riba gran eskala. Hendenan lo ta paga 2000 pa 2500 euro pa pasa nan eksamen. E eksamen mes ta kosta 41 euro. Si un kandidato keda deskubrí, CBR ta pidi asistensia di polis. pero segun e Buro mester atende tambe ku e ehendenan ku ta kopera ku e kontestanan. Kadidatonan di eksamen, sin ku nan ta víktima, ta keda provoka pa paga hopi plaka. Direktor di CBR ta bisa ku e froude ta kriminalidat organisá. E kier pa e froude di eksamen bira kastigabel.

Despues ku deskubrí un hende ku froude, e ta haña supervishon ekstra. Tambe ta tene un kombersashon delantá. CBR ta konfrontá tambe falsifikashon di identifikashon di hendenan ku parse otro. Telefonnan i oloshinan ta prohibí. Nan mester bai den kluis durante eksamen. Tin hasta aparatonan spesial ku ta kontrolá si a pone e selularnan den kluis.