Raya: dokumentashon ofisial ku e tènker COLON ta rayá pa nabegá bou di banderanan di TOGO.

BULLENBAAI–  Ku un titular riba su portada “Buques con documentacion falsa exportan petroleo de Venezuela” . E diario El Nacional di Venezuela a enfatisá riba posibel trafikashon di kontrabanda petrolero for di e pais.

Tabata riba 28 di sèptèmber último ku e barku Colon a trese e promé karga di produktonan petrolero pa almasená na Bullenbaai komo parti di e akuerdo entre CRU, e kompania supsidiario di Refineria di Kòrsou (RdK), kual ta permití Caribbean Petroleum Refinery (CPR) almasená produkto na e terminal di Bullenbaai.  E akuerdo di almasenahe ta pará lòs for di e akuerdo di mas aña pa operashon di refineria i e terminal na Bullenbaai ku Refineria di Kòrsou i CPR ta negoshando aktualmente. E akuerdo ta enserá ku lo por almasená te ku 7 mion barí di produkto na e terminal. E trabounan a keda konkluí nèt na tempu pa por a risibí Colon komo promé barku. E terminal por almasená 2.4 mion barí di fuel oil, 4.1 mion barí di krudo i 350 mil barí di ‘diesel’. CPR lo hasi uso di henter e kapasidat di almasenahe, pues por spera mas barku ku produkto pa almansená próksimamente na Bullenbaai. Segun RdK, 0umento di aktividatnan na Bullenbaai ta kontribuí na sosten di KTK komo un di e servisionan ku ta vital pa realisá aperturá di nos refineria.

Ta trata di un kargamentu di kasi 500 mil bar’i di fuel oil ku a yega Kòrsou riba e Barku Colon. Ta trata di e tankero COLON ku tabata  nabegando bou di bandera di Togo.  COLON, un tankero di 250 meter largu, segun informashon riba Internet a yega for di bahia Amuay Venezuela. Na Amuay tin un refineria ubika riba e península di Paraguana na Venezuela. Ta trata di unu di e refinerianan mas grandi na mundu ku un kapasidat di 630.000 barí diario. Venezuela tabata proveé kasi 13% di produktonan petrolero na Estádos Unídos promé di e embargo.

Pero despues ta bin Sali na kla ku gobièrnu di TOGO a raya barku ku a trese “fuel oil” Kòrsou. Pero, miéntras e barku COLON a keda rayá fo’i riba lista na e pais TOGO pa karga nan bandera, e kargamentu di fuel oil tampoko no tabatin e lisensia nesesario di OFAC.

Esaki ta lokual un dokumento dirigí na Curaçao Petroleum Refinery ta konkluí. Ta trata di un dokumento prosedente for di un bufete di abogado establesé na Miami, Florida, kende riba súplika di Caribbean Petroleum Company a duna su konseho. Entretantu, e kantidat di 500 mil barí di Fuel Oil ku e tènker Togo a trese Kòrsou, ainda ta sin kompra. COLON, kual tènker a trese e fuel oil, ta un tènker Irani, bou di kontrakt di PDVSA, pero tabata nabegá bou di bandera di TOGO.  Segun direktor di Refineria di Kòrsou, Patrick Newton, den un deklarashon na Vigilante, e transpòrt di e fuel oil tabata bou di lisenia di OFAC. Newton no a spesifiká si e ta trata di e lisensia general di OFAC òf si pa e kargamentu spesífiko tabatin un lisensia. Despues a bin resultá ku Newton mes no tabata na altura si tabatin lisensia i den un deklarashon na prensa a deklará ku “nan a puntra CPR si tabatin lisensia”.  Entretantu e krudo ta sin kumpradó miéntras e kompania ganadó di e bid pa manehá Isla, Caribbean Petroleum Refinery ta den mas problema.

A keda konfirmá awor kue barku COLON ta un barku ku a pèrdè lisensia for di e pais di TOGO. Tambe a keda konfirmá ku CPR no tabatin un lisensia ofisial internashonal a por a permití saka e krudo for di Venezuela hiba Kòrsou. Gerensha di RdK, mediante Patrick Newton a bolbe tras di Caribbean Petroleum Refinery, kual kompania ya a atmití di e entrega dokumentashon falsifiká di riba pruebanan di fondo.