Willemstad – Fundashon Alton Paas ta anunsiá ku hopi orguyo nan kolaborashon ku e próksimo ROTA FUN(D)RIVE, un evento emoshonante ku ta planiá pa dia 5 di mei 2024. Fondo rekoudá di e evento úniko aki lo keda invertí pa kumpra un auto nobo pa ròlstùl, un nesesidat esensial pa Fundashon Alton Paas ya pa un tempu largu kaba.

Ku un variedat di premio, inkluyendo estadia di fin di siman, entrada pa atrakshonnan lokal i hasta un premio mayor di 100.000 Fun Miles, ROTA FUN(D)RIVE ta promé un dia yen di divershon i oportunidat pa gana. E evento ta posibel danki na sponsornan manera Fun Miles Curacao, Super-retail Online i LionsDive Beach Resort Curaçao.

Partisipantenan ta invitá pa no solamente partisipá, pero tambe pa dekorá nan outo di manera kreativo i tuma selfienan divertido riba ruta ku nan tim. Ku asina hopi premio pa gana, tin un oportunidat pa tur hende pa kontribuí na e bon kousa i disfrutá mesun tempu.

Fundashon Alton Paas ta hopi agradesido pa e sosten i kolaborashon di Rotary Club Willemstad, ROTA FUN(D)RIVE i tur sponsornan. Entrada di e evento lo keda invertí direktamente pa kumpra un auto nobo pa ròlstùl, kual lo duna e fundashon e posibilidat pa kontinuá ku nan mishon di yudansa na hendenan ku tin limitashonnan di mobilidat i yuda nan yega na un bida mas kompleto.

Fundashon Alton Paas ta ofresé transporte di ròlstùl pa hende ku limitashonnan di mobilidat, inkluyendo bishita familiar, bai misa, eventonan deportivo i sali bai kome, na kualke momentu di dia, inkluyendo dianan di fiesta. Ku mas di 10.000 hende ku limitashonnan fisiko riba e isla Kòrsou, tin un gran demanda pa transporte aksesibel. Nos ta traha huntu ku partnernan pa mantené esaki aksesibel, pasobra limitashon di mobilidat ta keda konsiderá un kousa di pobresa. Partnernan, inkluyendo gobierno ku ta subsidiá karedanan i otronan, ta yuda nos pa logra esaki. Awor nos ta pidi komunidat pa kontribuí via e ROTA FUN(D)RIVE pa nos logra kumpra un auto nobo pa ròlstùl.

Karchinan pa ROTA FUN(D)RIVE ta disponibel pa benta na Van den Tweel òf via e website https://caribbeanticketshop.com/…/rota-fundrive-05-05-2024. Nos ta spera di mira bo riba 5 di mei! Bin i partisipá ku nos riba 5 di mei pa un dia yen di divershon, aventura i sostené un bon kousa!