DEN HAAG—E sentro pa asilo COA lo mester di èkstra akomodashon ma e míles di ekstra refugiadonan ku ta yegando Hulanda.

No ta 75.500 pero 77.100 akomodashon mester entrante 2024. E oumentp di kantidatnan di refugiado ta kosta gabinete miares èkstra den próksimo añanan, segun sekretario di estado Eric van der Burg (Asilo) a bisa Tweede Kamer. E kantidat nesesario pa 2025 tambe lo subi drastikamente, lo mester di 97.000 akomodashon. Van der Burg ta spera un fluho di 70.000 refugiado den Hulanda e aña aki. Esaki ta nifiká ku COA e sentro pa asilo mester tin luga pa 77.100 refugiado otro aña. No ta solamente akomodashon sino tambe e tin e obligashon legal pa duna permit i bibienda. E kantidat di hende ku permit di estadia ku mester haña un kas a keda determina pa e segundo mitar di aña na 27.300. Tur esaki ta rekerí ahustenan den presupuesto pa próksimo añanan segun gabinete den e presupuesto ku a bai Tweede Kamer ayera. Gabinete ta reservá te ku 2026 un total di 8,7 miar euro ekstra pa e fluho ekstra di refugiadonan, asina e ministerio di Finansa a konfirmá. Komienso di luna tabatin 53.000 refugiado den lokalidatnan pa asilo di COA i otro lokalidatnan di emergensia di munisipionan. Den sentro di COA tin aktualmente 16.000 persona ku mester ta den un bibienda. Ta trata di personan ku permit, eks-refugiadonan ku por keda den Hulanda i tin derecho riba bibienda. E sekretario di estado ta preokupá pasobra tin 50.000 akomodashon, pero mayoria ta temporal. Ta trata di tantu akomodashon di emergensia ku munisipio ta ofrese komo esnan di e sentro COA mes. Diferente kontrato ku COA tin ku munisipionan ta ekspirá. Tambe e sekretario di estado ta premira ku e kantidat di ukrainonan ku lo drenta Hulanda lo oumentá den próksimo tempu. Aktualmente Hulanda ta duna akomodashon na 90.000 refugiado ukraino. Den Hulanda ta aprobá 80-85% di petishonnan di asilo. E porsentahe ta mas abou kompará ku otro paisnan Oropeo. E gabinete kier hasi esaki dor di trata e petishonnan mas efisiente. E ntratamentu mas efisiente mester konta tambe pa hendenan for di Algeria i Moldavia. Pa Hulanda keda den liña ku kondishonnan Oropeo i soru ku e pais inesesariamente ta bira atraktivo komo pais di destinashon, ta bai hasi un evaluashon individual di solisitantenan di asilo lo tin mas peso. Gabinete kier drecha kontrol di kalidat i tambe kier kompará e maneho di asilo di otro paisnan Oropeo.