DEN HAAG—Durante e krisis di corona gabinete a fokus muchu largu riba strategia di termino korto, manera okupashon di kuido intensivo.
Durante e krisis gabinete a konsentra pa tene kuido intensivo habri i atende e efektonan riba salubridat riba termino korto, asina e Konseho di Investigashon a konklui den su ultimo raport riba maneho di krisis di gabinete den periodo yanuari 2020 pa sèptember 2022. E maneho a keda determinante pa desishonnan den henter e periodo, tambe ora e krisis a pasa di agudo pa termino largu ku hopi konsekuensia sosial. Gabinete a trata e krisis di corona komo un di salubridat ku okupashon di kuido intensivo komo punto di salida.