AMSTERDAM— Gabinete a tuma desishon ta bai redusí e kantidat di vuelonan na Schiphol, pero no manera a premira.

Te na último momentu e diskushon ta keda fuerte riba ampliashon di Schiphol. E kantidat máksimo vuelonan na airport ta baha den 2024 di 500.000 na 452.500. Esaki ta menos redukson ku loke a anunsia anteriormente ku ta 440.000 vuelo. Ta bai tuma medida na e kapasidat na Schiphol pa redusi molester di zonido pa habitantenan. Pa mas tarda ayera gabinete mester a entrega plannan na Komishon Oropeo, ku ta duna konseho riba e plan. Despues gabinete ta tuma un desishon definitivo. No ta bini prohibishon pa avionnan privá na Schiphol, ku ta keda habrí den oranan di anochi pa tráfiko di vuelo. Enbes di máksimo 32.000 vuelo un kantidat di 28.700 vuelo por subi of baha den oranan di anochi. Anto esaki mester ta avionnan silensioso. Gabinete demishonario lo laga hasi investigashon si ta sera Schiphol den oranan di anochi. Schiphol mes a propone esaki. Pa esaki gabinete kier sa e konsekuensianan i haña partisipashon di kompanianan di aviashon. Ta limitá uso di pistananan ku ta soru pa molester. un plan di Schiphol mes pa sera parsialmente anochi lo keda investigá segun minister demishonario Harbers di Infrastruktura. Ku 15% no ta logra e meta di redusi molester di zonido ku 20% segun Harbers. Posibilidatnan pa ekstra medidanan no ta alkansabel of ta dura muchu largu. Pa e motibu aki e minister ta bai studia e plan di Schiphol. mester alkansa e medta di 20% redukshon.den un reakshon Schiphol ta bisa ku e plan di gabinete ta duna mas seguridat i klaridat na habitantenan, kompanianan di aviashon i Schiphol mes. Nan ta kompletamente tras di posishon pa redusi molester pa habitantenan. Schiphol a hasi proposishonnan fundamental pa esaki. E organisashon di kompanianan aviashon Barin ta desepshoná ku e desishon di gabinete. E sektor ta di opinion ku ta violá palabrashonnan internashonal i ku e sistema uniko di hub di Schiphol ta keda afekta. Ayera mainta a resultá ku Merka no ta kontentu ku e redukshon. Nan ta menasa ku sanshonnan kontra KLM pa purba deklara e redukshon na Schiphol komo kontroversial. Harbers ta na altura di e malkontentu merikano. Tin interesnan grandi ku ta kontradesi otro. Pero e situashon ta vulnerabel pa Schiphol, segun Harbers. E minister ta enfatisá ku gabinete demishonario no ta tuma desishon pero ta warda e konseho di Brussel. Klupnan ambiental ta desapunta pero e habitantenan ta positivo.