Pa kontribuí na e desaroyo ekonómiko di Kòrsou, Aruba i Sint Maarten, Hulanda ta reserva un máksimo di 200 mion euro en total di e Fondo Nashonal di Kresementu.

Willemstad,– Hulanda ta poniendo programanan di invershon na disposishon pa e paisnan Kòrsou, Aruba i Sint Maarten i tambe pa Boneiru, Saba i Sint Eustatius. E sekretario di estado Alexandra van Huffelen a skibi esaki pa Tweede Kamer.

Segun Hulanda e invershonnan lo mester kondusí na fortalesé e potensial di kresementu ekonómiko, oumentá e independensia finansiero i ekonómiko di e seis islanan, aselerá e transishon energétiko i mehorá e nivel di bida i e empleo. Hasiendo esaki e gobièrnu ta implementando un di e akuerdonan di e akuerdo di koalishon.

Pa kontribuí na e desaroyo ekonómiko di Kòrsou, Aruba i Sint Maarten, Hulanda ta reserva un máksimo di 200 mion euro en total di e Fondo Nashonal di Kresementu.

Pa kalifiká pa e fondo nan aki, e tres paisnan por presentá proyektonan ku ta demostrá ku tin un impakto grandi den e kapasidat di ingresonan sostenibel di e islanan.

E kondishon ta ku e propuesta nan ta di bon kalidat pa proyektonan den e kampo di e adaptashon klimátiko i e transishon energétiko, edukashon, digitalisashon di e gobièrnu, infrastruktura básiko, tratamentu di awa, produkshon di alimento rendabel i elaborashon di e ekonomia mas sostenibel, spesialmente turismo.

Inisialmente nan ta pone 100 mion euro na disposishon. Den kaso ku e apertura aki keda superá pa propuestanan di kalidat haltu ku ta kumpli ku garantianan i kriterionan ora ku nan keda determiná, ta posibel un di dos apertura di un máksimo di 100 mion euro. Lo bai elaborá riba e programa di invershon den e próksimo lunanan den konsulta ku e tres paisnan.

Transishon energétiko

Pa stimulá e transishon energétiko na Kòrsou, Aruba i Sint Maarten, e rekursonan di SDE, Stimulashon di e produkshon di Energia Sostenibel i e Transishon Klimatiko, lo por reserva pa inbertí den un di e poko proyektonan rentabel.

Ta trata di proyektonan ku mester duna un aporte sustansial na e transishon energétiko d e paisnan. TNO a kuminsá ku un estudio den verano pa determiná den kual medida ta posibel e proyektonan pa stimulá e produkshon di energia sostenibel i òf e redukshon di CO2.

Esaki ta impliká, por ehèmpel, oumentá e kapasidat di e energia solar pa e gran parti di produkshon di koriente por keda realisá di manera sostenibel i ku ménos kosto pa e empresanan i e konsumidónan. Esaki ta hasi tambe ku e produkshon i eksportashon di hidrógeno ta mas interesante.

Finalmente e gobièrnu hulandes ta desaroyando un skema di garantia a medida pa stimulá e fiansanan na empresanan saludabel na Kòrsou, Aruba i Sint Maarten. E sistemanan di garantia ta yuda e empresanan ku garantianan insufisiente pa haña finansiamentu.