AMSTERDAM—Nunka antes Air France-KLM no a registrá un ganashi asina grandi manera den 2023. Ta trata di 934 mion euro.

Esaki ta 28% mas ku den 2022. E konsorsio a transporta mas pasahero tambe, pero no asina tantu manera promé ku corona. E entrada di Air France-KLM a subi na un rekòrt: 30 miar euro, 14% mas ku den 2022. Esaki pasobra e kantidat di pasaheronan a oumentá. Den 2023 alrededor di 93 mion hende den avion kompará ku 83 mion den 2022. Den 2019 tabatin mas ora e kompania a transporta 104 mion pasaheronan. E aña rekòrt ta danki na e e último tres lunanan di 2023. Den e kuartal e kompania a keda konfrontá ku hopi tenshonnan geopolitiko. Asina e kompania a stòp vuelonan temporalmente pa Israel. Air France a reanuda e vuelonan, pero KLM lo hasi esaki den aprel. Na Hulanda e mal tempu tambe a hunga un ròl. Mester a anulá 200 vuelo for di Schiphol, inkluso KLM pa motibu di tormenta Pia. Den último kuartal Air France-KLM a hiba perdida di 56 mion euro. segun e kompania tenshonnan geopolitiko den Medio Oriente i Afrika ta kosta e kompania 65 mion euro èkstra.